O parque de edificios de vivenda nas cidades necesita ás veces do asesoramento de técnicos facultativos para:

​

- Establecer e valorar prioridades segundo cada edificio para planear obras de conservación e mellora, adaptado ás necesidades concretas, a antiguidade e tamén ó poder económico da comunidade de propietarios. Non se pode pensar unha reforma pensando na subvención, senón no que realmente se quere conseguir cos recursos cos que contamos.

​

- Realizar investigacións en edificios que presentan graves problemas de humidades. Descubrindo as causas e a súa solución. 

​

- Redactar proxectos de obras para conseguir os permisos pertinentes no concello.​

​

- Conseguir presupostos de constructoras da zona (cada vez custa mais conseguilos na medida en que as obras non cheguen a un importe e duración)

​

- INFORME DE AVALIACIÓN DE EDIFICIOS (IAE OU ITE). Papelada obrigatoria, e burocracia que os concellos e XUNTA impoñen coma son as derivadas do baixo mantemento de edificios. DECRETO 61/2021, do 8 de abril, polo que se regula o informe de avaliación dos edificios e se crea o Rexistro Galego de Informes de Avaliación dos Edificios.

O técnico informante deberá recoller o seguinte contido:

a) Unha valoración final sobre o estado de conservación do edificio que deberá ser favorable ou desfavorable. O IAE será desfavorable no caso de existencia dalgunha deficiencia grave ou moi grave. Nos demais casos o IAE será favorable con independencia de que nel se poidan recomendar os prazos para a realización de obras para corrixir as deficiencias leves que se sinalen.

b) As condicións básicas de accesibilidade do edificio en que se indicará se o edificio cumpre ou non as condicións básicas de accesibilidade. No caso de que non satisfaga as ditas condicións, o técnico informante determinará cales son as medidas de adecuación que se poderían realizar e o seu importe estimado con obxecto de que se poida determinar se son axustes razoables ou non.

c) A cualificación da certificación enerxética do edificio, incluíndo o indicador global do edificio en emisións de dióxido de carbono referido en letra e en KgCO2/m2.ano, así como os indicadores globais de consumo de enerxía referidos en letra e en kWh/m2.ano.

​

- LIBRO DO EDIFICIO: dende o noso punto de vista este burocrático documento debera terse confeccionado polos administradores de fincas xa que na súa maioría son cousas externas a un arquitecto. Para pedir subvencións será necesario redactalo. Pero básicamente é unha enorme carpeta dos documentos esenciais para o entendemento do edificio que se ordena da seguinte maneira:

1. BLOQUE I
I.1 Documentación do edificio e do seu estado de conservación
a) ITE, IEE ou instrumento similar
b) Certificado de eficiencia enerxética
c) Documentación complementaria
I.2 Manual de usuario e mantemento
a) Instrucións de uso e funcionamento do edificio
b) Plan de conservación e mantemento
c) Rexistro de incidencias e operacións de mantemento
d) Contratos de mantemento
e) Rexistro de actuacións no edificio
f) Recomendacións de uso e boas prácticas
2. BLOQUE II
II.1 Potencial de mellora do rendemento do edificio
A. Seguridade de uso e accesibilidade
B. Seguridade contra incendios
C. Saúde
D. Eficiencia enerxética
E. Protección contra o ruído
F. Outros
I.2 Plan de actuación para a reforma do edificio
Intervencións propostas
Optimización mediante medicións simultáneas
Programación e priorización de intervencións
3. RESUMO DO LIBRO PARA A COMUNIDADE
II. ANEXOS: EXPEDIENTE DOCUMENTAL
A.1. DOCUMENTACIÓN EXISTENTE DO PROXECTO DE EDIFICACIÓN
A.2. PLANOS DE PROXECTO DE EDIFICACIÓN
A.3. REDACCIÓN DECLARACIÓN DE NOVA CONSTRUCIÓN / DIVISIÓN HORIZONTAL
A.4. ESTATUTOS DA COMUNIDADE
A.5. ITE/IEE
A.6. CERTIFICADO DE EFICIENCIA ENERXÉTICA
A.7. DOCUMENTOS DE CONTRATO, POLIZAS DE SEGUROS, ETC.
A.8. DOCUMENTOS XUSTIFICATIVOS DE REFORMAS, REHABILITACIÓN E REPARACIÓNS
A.9. OUTROS DOCUMENTOS

​